Meri Udan !!!

urdthi hu mei kale baadloo se bhi upar
pankh hai door door tak pehleyee hue
chand ki kirnoo se, chamakta hua neela aasman
sabsee door, apni godh mei, mujhe chupaee hue

mand mand chand ki roshni, chutee hai mere pankho ko
jaise kyo asha ki kiran, mil gayi ho, murjhai hue phoolo ko
na koyi toofan hai, na koyi andheera
sirf mai hu, aur jagta hua savera

suraj ki lal kirne, dikhne lagi hai ambar par
pawan ke jhule ke saath urdthi hu mei, akele, ni-dar
chuna hai us chand ko, is muthi mei karna hai bandh
rok sako tho rok lo, na hongi mai ab pinjree mei bandh

thak ke har maan-naa, na seekha hai, in pankhoo ne
kaat bhi deye jo, bar bar, is behraham, duniya ne
phir se nikal aathe hai, ek nayi udan urdhnee ke liye
suraj aur chand, dono ko, apni muthi mei band, karne ke liye

urdhte urdhte phir bahut, door chale jaana hai
rukna nahi hai, khoobsurat savere ko apnana hai
woh kale baadal, gher liya tha jisne is phool se dil ko
choo na payengee phir kabhi, mere makhmali pankhoo ko